24th December 2013
காணப்படுவதனால் அப்பகுதி மக்கள் அச்சத்துடன் வாழும் நிலை காணப்படுகின்றது .
இறுதி யுத்தம் நடைபெற்ற பகுதிகளான புதுக்குடியிருப்புப் பிரதேச செயலாளர் பிரிவின் கீழுள்ள கோம்பாவில் , சிவநகர் ஆகிய பகுதிகளில் பொது மக்கள் குடியேறியுள்ள காணிகளில் பயிர்ச் செய்கைகளுக்குத் தமது காணிகளைத் துப்புரவு செய்யும் போது மிதி வெடி உள்ளதை அவதானித்துள்ளனர் .
சிவநகர் பகுதியில் பயிர்ச்செய்கைக் காணியை துப்புரவு செய்யும்போது அதற்குள் கொத்துக்குண்டு வடிவிலான வெடிகுண்டு ஒன்று காணப்பட்டதையடுத்து குறித்த காணியைத் துப்புரவு செய்த விவசாயி அதை நிறுத்திவிட்டு அதனுள் எந்தப் பயிர்ச் செய்கையினையும் மேற்கொள்ளமுடியாததால் கவலையடைந்துள்ளார் .
இதேபோன்று புதுக்குடியிருப்பு கோம்பாவில் பகுதியிலுள்ள காணி ஒன்றினைத் துப்புரவு செய்யும்போது வெடிக்கும் நிலையில் அதிசக்தி வாய்ந்த இரு எறிகணைகள் காணப்பட்டதையடுத்து அக்காணியை துப்புரவு செய்த காணி உரிமையாளரும் அதனைக் கைவிட்டுவிட்டார் .
இவ்வாறு மீள்குடியேறிய பகுதிகளில் மிக ஆபத்தான நிலையில் மிதி வெடி காணப்படுதனால் இப்பகுதி மக்கள் பெரும் உயிர் அச்சுறுத்தல்களுக்கு மத்தியில் வாழ வேண்டிய நிலையில் உள்ளதாகத் தெரிவிக்கின்றனர் .
No comments:
Post a Comment